Er það hafið eða fjöllin, sem að laða mig hér að...Eða er það kannski fólkið á þessum stað?

Reið og bitur..

Fri, 31 Aug 2007 00:28:42 GMT

Vangaveltur..

Jæja, nú er sumarið víst á enda, og ég held ég hafi slegið met í bloggleysi! Þar sem ég stóð mig svona ofur “vel” þá ákvað ég að stofna bara nýja síðu- 123.is/olga

Þar munu flestar mínar myndir koma inn og allt heila klabbið.. þannig að formlega þá er þetta seinasta færslan mín hér- og sú fyrsta á 123

Ég er búin að hafa það mjög gott í sumar og er hálf tómlegt að vita til þess að einungis eru 2 -3 dagar eftir af “fríinu”(þar sem ég er að vinna samt). Ég er spennt fyrir skólanum í vetur, og ég get sko alveg sagt ykkur það að það verður slakað á í lögfræði-djamminu! Það kemur ekki til með að verða annað djamm-beinbrot eða aðrir SKANDALAR eins og mér tókst alltaf að koma mér í (eða ef ég fæ einhverju ráðið, þá verður þetta ekki í boði... eins gott að Halli haldi þéttingsfast um tauminn ;) )

Ég samt kvíði líka að hugsa um hvernig veturinn verður hjá litlu systrum mínum...

Þannig vill það til að ég er orðin virkilega bitur manneskja- Hef horft á ákveðna krakka pöddur á þessum litla stað, leggja systur mína í einelti í allt sumar, og hefur hún staðið algjörlega ein! Það er virkilega sárt að horfa upp á þetta gerast, hjá krökkum sem hafa fengið gjörsamlega allt hérna heima hjá okkur í gegnum árin- Sumir hafa borðað fleiri tugi máltíða, fengið að gista, farið inn í Reykjó í sveitina með okkur og fengið að hanga hér heima heilu dagana og ruslað til, þar sem ekki mátti fara inn hja þeim og ýmislegt fleira sem ALDREI hefur verið launað næstum því jafn mikið til baka frá þeim.

Að sjá svona skrípi ráðast að systur sinni, eða að frétta af útskúfuninni sem þau standa fyrir...eftir að hafa fengið allt hjá manni, að haga sér eins og geðsjúklingar eða ég veit ekki hvað skal kalla þetta- er vægast sagt ÖMURLEGT!

Að hugsa sér hvað krakkar geta verið illa innrættir...

Ég veit það vel að ég var 1x mjög vond við hana Helgu sím á unglingsárunum. Ég gerði það þegar mér leið virkilega illa og í einhverju æðiskasti.. En ég hef aldrei fyrirgefið mér fyrir að hafa hagað mér svona við hana og ég baðst margsinnis afsökunar við hana.. Samviskubitið sem hefur nagað mig í gegnum tíðina er ekki gott..

Í dag vona ég að hún hafi fyrirgefið mér fyrir það.. en það er ekkert sjálfsagt að ætlast til þess!

Ég sjálf lenti nú í ýmsu hér á árum áður, en í dag líður mér sem mun sterkari manneskju.. En lífið er hryllilega erfitt á meðan á því stendur að maður er einn og yfirgefinn.. kannski þessvegna er enn sárara að horfa á það sama gerast fyrir litlu systur sína.

Ég mun standa með henni út í rauðan dauðann- sama hvað gengur á... og það er alveg hægt að bóka það að ef þetta heldur áfram svona, þá er mér að mæta! Kallið mig barnalega, en hvað þarf að gera til að troða þessu inn í hausinn á krökkum? Það dugir greinilega ekki að tala við þau... og ekki hjálpa foreldrarnir til á meðan þeirra börn eru bara gerendur en ekki þolendur.

Það er gott að eiga góða fjölskyldu og trausta vini – það er alveg bókað að hvað varðar Tálknafjörð þá veit ég hvað á við mig í titilsetningunni á síðunni minni- “ Er það hafið eða fjöllin sem að laða mig hér að, - eða er það fólkið á þessum stað”- Það er pottþétt EKKI fólkið sem laðar mig að hér í þessum spillta firði... og hananú!

Þetta er fjársjóðurinn minn..

Olga Rannveig

Sumarið er tíminn...

Mon, 30 Jul 2007 21:07:15 GMT

Jæja.... nú er ég búin að setja sjálfa mig í skammarkrókinn! Þetta gengur engan veginn, að hafa bloggsíðu sem maður sinnir EKKERT! En það rætist vonandi úr þessu í vetur, þar sem sumarið er ekki tölvusinnað.

Ég er mikið búin að vera að hugsa um hvað ég eigi eiginlega að skrifa eftir svona svakalega ritstíflu, því maður vill nú ekki að þið ælið af væmni.. tja, ég læt þá bara á það reyna-

En það sem er að frétta af mér frá því seinast er í stuttu máli þetta-

Ég er búin að vera hamingjusamasta manneskja í heimi í sumar... mér hefur aldrei liðið eins vel, þannig að það er nú á góðri leið. “loksins gekk ég út”, hehehe! Nei, ég segi nú það bara í gríni ;)

Halli er búinn að vera hjá mér í næstum allt sumar, þannig að það er bara stanslaus sæla.

Um helgina skruppum við í Þjórsárver þar sem Halli var í nefnd fyrir ættarmót í sinni ætt. Það var mjög gaman að kynnast fólki úr hans ætt, og fara í smá frí saman...Amma hans flaut með suður og vestur. Hún er nú meira gullið þessi elska! Við vorum í góðu yfirlæti hjá Kristínu(mömmu hans), þannig að ekki kom maður léttari heim eftir helgina ;) En þar sem við tókum út ágætis útilegu-skammt núna um helgina, þá verður bara haldið sig inn á vestfjarðarkjálkanum um versló- sem er by the way um NÆSTU helgi!!!!! Rosalega flýgur tíminn!--- það styttist því í að Halli fari suður-hvað gerir maður þá??? :S En ég þarf svosem að læra fyrir heimspeki próf sem verður þann 17. ágúst, þannig að þetta reddast.

Helgina fyrir ættarmótið var svakalegt stuð á Patreksfirði. Sjógirls stóðu fyrir ratleik, þar sem strákunum úr vestfirsku mafíunni og sjógirls var blandað saman í nokkur lið og farið í þennan skemmtilega ratleik. Ég fékk að fljóta með þar sem meðlimir þessara hópa máttu taka 1 gest með.. Liðunum gekk nú misvel en allir kláruðu þó ;) Síðan var farið í leiki á fótboltavellinum, þar sem stelpur voru á móti strákum, og eftir hverja unna keppni var frauðplastskassi í verðlaun. Strákarnir unnu held ég 5/6, en við strelpurnar fengum einn kassa lánaðan án þessa að leyfa þeim að mótmæla. Strákarnir héldu flestir að nú hefðu þeir dottið í lukkupottinn og að í kössunum væri kaldur öllari, þannig að kassarnir voru rifnir upp í brussugangi- en ekki voru kaldir öllarar þarna- Það voru vatnsblöðrur í kössunum, og var stríð á milli hópanna. Í brussuganginum sprakk svolítið af blöðrunum frá strákunum sem var bara fínt ;) (hehe, svo var líka mun meira stappað af blöðrum í stelpukössunum, þannig að þetta var bara jafnt skipt)

Um kvöldið var farið út að borða saman og svo var verðlaunaafhending og meira drukkið. Stelpurnar, Kristín Brynja og Lilja, stóðu sig rosalega vel, og skemmti ég mér þvílíkt! Það er nú ekki amalegt að næla sér í Patreksfirðing þegar það er svona stuð á liðinu :D

Þar sem ég fór á ættarmótið um helgina, missti ég af “Tálknafjöri”... ég græt það ekkert mikið.. hefði amk ekki viljað skipta.

Jæja, þetta er svona það helsta af mér þessa dagana... örugglega of langt til að þið nennið að lesa ;)

Ég reyni að standa mig betur næstu daga... Sakna nú að hitta ekki ykkur stelpur- EN sumarið er á enda.. þá tekur maður bara út extra skammt í að hitta ykkur :D

Við Halli á enn einu djamminu!

Stal þessari frá Kristínu Brynju... vonandi er mér fyrirgefið ;)

adios, Olga Rannveig

Myndir- myndir!

Wed, 20 Jun 2007 01:25:32 GMT

Jæja, myndir frá sjómannadagshelginni og tálknó- hittingnum (í mars):^) eru komnar inn.. ja, betra er seint en aldrei hef ég heyrt...

En annars er þetta stutt og laggott nuna í kvöld, blogga á morgun, og reyni að láta það innihalda e-ð svona til tilbreytingar!

Olga rassbólga

Nú liggur vel á mér...

Thu, 07 Jun 2007 02:16:00 GMT

Jeee minn eini!

Vá hvað það er mikið búið að ske undanfarið!

Mín átti afmæli þann 31.maí síðastliðinn, og vildi svo einkennilega til að foreldrar mínir og systur mínar þrjár voru öll stödd í bænum í skólaferðalagi þannig að mér fannst ég hálfpartinn yfirgefin. En svo var nú aldeilis ekki! Ég fékk frábært veður þennan dag, þannig að mín skellti sér bara í stutt gallapils og bol, tók rölt um bæinn og endaði í heimsókn hjá Önnu frænku sem tók mig að sér þennan dag :) Hun var svo góð að hún bakaði pönnsur og síðan sátum við bróðurhluta dagsins úti á palli í sól og steik í sólbaði að spjalla. Það gæti ekki hafa orðið meira notó!

Um kvöldið var síðan brunað inn í Reykjó og haft það hrikalega notó með Garpinn og svo fékk maður ekki leiðinlega heimsókn frá draumaprinsinum :D

Jamm, þið lesið rétt! Ég held bara að ég geti alveg sagt ykkur það að ég hef aldrei verið hamingjusamari! Ég hef seinustu daga svifið um eins og lítið fiðrildi- eða þannig er tilfinningin amk, og get ég fullyrt að svona hefur mér ekki liðið áður! Maður kann bara ekkert á þetta, hehe.. þannig að maður er pínu kjánalegur á köflum. Ég er nu ekkert vön því að deila svona, en það er kannski bara útaf því að maður hefur aldrei hitt á þann eina rétta sem maður er virkilega tilbúinn til að segja almennilega frá.. út frá þessu vonar maður amk það besta, og er ég nokkuð vongóð um þetta allt saman :D

Helgin var síðan tekin með suddalegu trompi, þar sem maður djúsaði á föstudaginn, laugardaginn og sunnudaginn! Úff, það er langt síðan maður tók 3 kvöld um sjómannadagshelgi, og tekur svona vel á því í þokkabót!! Fór reyndar ekki á ballið á föstudeginum, heldur tók bara rúnt með Söndru og Friðgeiri, en djúsaði bara á rúntinum :D Lofa ég ekki bara góðu, heheh!

Ég fékk að vera 3ja hjólið með skötuhjúunum Söndru og Geira um helgina... það var alveg rosa fínt! Þau eru svo mikil krútt, þannig að það er alveg ótrúlega gaman að fylgjast með þeim! Við vorum mikið saman, og fékk ég meira að segja að kúra hjá þeim á sunnudaginn fyrir ball! Heheh, það var svolítið skondið, en við erum öll svo libó a þessu. Öll ein familía. Ég var alveg rosalega glöð að Sandrinan mín kæmi vestur, því það er alveg ótrúlegt hvað ég hef saknað skvísunnar! Við erum svo agalega tengdar!

Ballið á laugardeginum var mjög skemmtilegt. Ég dansaði samt rosalega lítið og tíminn flaug þvílíkt hratt! Allt í einu var staðnum bara lokað og við tróðum okkur í party til hljómsveitargauranna. Við( Sirry, Halli og ég) vorum rétt ný komin þegar öllum var ruslað út, og það þýddi sko ekkert að segja “Atli minn” hehe.. (smá einkahúmor) ... Sandra, Friðgeir og fleiri komust ekki einu sinni inn í partyið, hehehe! Við gátum þó chillað e-ð þarna fyrir utan, en þá voru flestir orðnir VEL sjúskaðir! Þá var líka kominn tími til að hunskast heim, og ég get sko fullyrt það, að ég labbaði “götuna endalausu” þennan morguninn- mér sem fannst hún svo stutt þar sem ég horfði eftir henni endilangri! Dísús hvað maður var algerlega búinn í líkamanum á endastöðinni!

Sunnudagurinn var helvíti erfiður! Mikil þreyta og þunnheit á köflum. En eftir leggjuna um kvöldið var maður meira en game í ballið með á Móti sól... Það var sturtað í sig áfengi eftir að maður sjænaði sig til og mamma keyrði aðal liðið á ball. Að sjálfsögðu kom kellan líka með, enda ekki annað í boði þegar svona hljómsveit er á svæðinu!

Pinnahælarnir á skvísu-skónum voru í rústi eftir allt danseríið þarna, og má ég því skella þeim í viðgerð nuna, þar sem það eru bara naglar eftir :S

Amma hans Halla sótti okkur á ballið, og fékk vinur Halla far..hún Sigga Páls tróð sér svo líka frammí. Ég get svo svarið það, að ég hef ekki lent í skemmtilegri bílferð!!!! Sigga reitti af sér lífsreynslusögurnar, sem voru í “blárri kantinum” og maður roðnaði alveg niður í rass við að hlusta á hana. Enda ekki skrýtið líka, þar sem maður hló svo rosalega að það runnu bara tár! Til að þið getið gert ykkur grein fyrir innihaldinu í sögunum er hægt að segja nokkur stykkorð: Kitlipíku-leikur, g-strengs kaup, afmeyjun og fleira í þessum dúr! Sem sagt algjört snilldar far þarna!

Mánudagurinn var alveg drullu þreyttur! Ég var dauð til hálf 2, sem hefur sko ALDREI gerst áður! Maður fékk smá samviskubit að vera ekki mætt í vinnuna þarna, en mér datt bara ekki í hug að ég gæti sofið svona! Sem betur fer vaknaði ég eitur-hress, og var engin þynnka né pirringur þennan “morguninn” eins og morguninn áður.

Kvöldið var svaka kósý, horfðum á video, fórum í pottinn og svo meira video.. BARA lúxux á lífinu :D ekkert skrýtið að maður sé e-ð happý happý!

Þriðjudagurinn var svo ennþá þreyttari en mánudagurinn! Ég var bara ekki að meika það að halda augunum opnum, og svo var mér óglatt... maður var greinilega að jafna sig í líkamanum eftir helgina.

Um kvöldið var okkur Halla svo boðið í mat hjá Kristínu Brynju og Ingþór.. Fengum svaka góðan fiskrétt í ofni! Nammi namm, fæ bara vatn í munninn við tilhugsunina! Það var mjög næs... Var reyndar agalega stressuð fyrr um daginn yfir að hafa lofað mér í að mæta, en það var síðan ekkert mál...

Slúttuðum svo kvöldinu með video og nammi heima hjá mér, en þreytan var alveg að fara með mann!

Í dag er eg svo búin að vera voða “lítil” e-ð, þar sem allir eru farnir aftur suður... það er því ansi tómlegt! EN það er bara fram á sunnudag, þar sem maður skellir sér örstutt í bæinn þá!

Tíminn líður hratt þessa dagana, þannig að maður á ekkert að vera að væla yfir því.

Til að toppa daginn, þá sá ég að Vaskur “minn” er kominn í bæinn.. úff hvað það er erfitt að sjá hann- en samt svo gott! Ég fékk hann aðeins lánaðan til að leyfa honum og Garpi að hittast.. þeim þótti það sko ekki leiðinlegt! Ég skilaði honum svo aftur þegar þeir byrjuðu að hommast- það er svo skondið að fylgjast með þeim, heheh :) en ég hugsa að ég fari með þá út úr bænum og leyfi þeim að leika almennilega á morgun ef ég fæ Vaskinn lánaðan. ..

En nú er ég búin að skrifa lengsta bloggið mitt hingað til, og efast ég um að nokkur nenni að lesa alla þessa þvælu!

Ég set hér nokkrar myndir frá helginni, en myndasíðan mín er öll í vinnslu... það verður því hellingur af myndum sem koma inn fljótlega :) (enda kominn tími til að maður sinni þessu almennilega!)

hér koma nokkur sýnishorn frá helginni- njótið vel :D

Liv og Sigurlaug (systur mínar) á bryggjunni á Patró

pabbi og Hafdís frænka... mjög hress að vanda

Brynja Liv sys og Elsa vinkona hennar- þær fengu augljóslega nammi á Patró

Tab 22 tryllti lýðinn!

Og Gunnar frændi tók lagið- mér finnst hann alltaf lang flottastur :D

Leiknir og Sirry sæt saman! ótrúlega gaman að hitta Sirry aftur :D

Sandra og Friðgeir á Hafstraumum

Komin á ball- "loftur" (karitas) og Sandra að knúsast :D

Hressar skvísur- ekkert svaka sjúskaðar ennþá

Við Karitas- eiturhressar :)

Maggý skvísa í klikkuðu stuði :D

Loftur vildi líka dansa!

Söndru vantaði meira hársprey eftir ballið- Halli duglegur að hjálpa :)

Sandra, Friðgeir og bróðir hans... ekki man ég nu hvað hann heitir!

Var Indriða kalt eftir að okkur var hent út úr partyinu?? hmm.. :)

Sirrý og Halli- lang sætust ;)

Svaka dúlló :D

Gvöð- það var svo fyndið þegar við fórum bakvið hús að pissa!!! einhverjir úr kílómetra fjarlægð öskruðu á okkur "pissa-pissa"... það þurfti ekki mikið til að gleðja okkur stöllurnar! :D

Núna var kominn tími til að fara heim- orðnar vel sjúskaðar ;)-

Jæja, ég læt þetta nægja í bili! takk fyrir frábæra helgi elskurnar mínar! Ég skemmti mér ÞVÍLÍKT vel!

kv. Olga Rannveig

er svo stolt af langafa mínum

Mon, 28 May 2007 00:12:21 GMT

Skonsan er veik :evil:

Er svo ekki sátt við þetta ástand, er búin að vera ónýt meira og minna alla vikuna, og ekkert getað hreyft mig! Ég sem ætlaði svo að koma mér í aðeins betra form fyrir sjómannadags-helgina sem er bara alveg handan við hornið!

Jæja, hættu að væla- Ég fór á kvikmyndahátíðina(þrátt fyrir hita og veikindi) á Patró áðan með mömmu og Helgu. Fórum til að sjá myndina um Ástþór á Rauðasandi. Eftir svona heimildarmynd á maður engan rétt á að kvarta yfir einu né neinu! Þvílíkt sem þessi maður er duglegur og þrjóskur! Fyrir það fyrsta er alveg magnað að maðurinn sé á lífi, og svo að hann geti sinnt svaka búi á hjólastól!

Við mamma og stelpurnar fórum einmitt á Rauðasand í útilegu seinasta sumar í heila 17 tíma. Það var ótrúlega fínt hjá okkur! Heljarinnar ævintýri!

Sigurlaug rúsína á Rauðasandi.....

En annars var tilgangur færslunnar sá að segja hvað ég er stolt af langafa mínum! Hann er svo klár og duglegur! Hann prjónar sokka á dag og hefur ekki undan að sinna eftirspurn! Kellurnar á Hrafnistu dauðöfunduðu hann þegar hann kom þangað fyrst og kunni að PRJÓNA!!! Hann er seigur kallinn! Ég veit ekki hvar ég væri án sokkanna hans- því þeir björguðu mér algjörlega á sjónum(þessir grófu ullarsokkar) og svo á ég nokkra hversdags skrautlega sokka, sem ég nota þvílíkt oft, því eins og flestir vita, þá er ég mikil kuldaskræfa!

Langafi prjónar sokkana, en langamma felur endana og pressar sokkana. Samvinna hjá dúllunum!

Langafi kom í kastljósinu um daginn, og hér er linkurinn á það-

http://dagskra.ruv.is/streaming/sjonvarpid/?file=4301812/1

Það eru ekki allir svona heppnir eins og ég að eiga langafa og langömmu á lífi- og í fullu fjöri :)

Jæja, ætla að fara að koma mér í háttinn nuna og reyna að sofa úr mér pestina!

adios amigos!

Manst´ekk´eftir mér... mikið líturðu vel út beibí- frábært hár...

Thu, 24 May 2007 01:08:36 GMT

Jæja! Spurning um að henda inn smá færslu J hehe.. ég er orðin svona lélegur bloggari, sem nennir ekki að blogga neitt!

En allavegana... í seinustu viku var nóg að stússast áður en ég færi nu vestur. Dagarnir flugu alveg þvílíkt hratt frá mér og áður en ég vissi af var kominn föstudagur! Þá ákvað ég að þrífa holuna hátt og lágt, og pakka. Nennti enganveginn á lögfræði-djammið sem var þá um kvöldið, þannig að það var bara tekið lífinu rólega og undirbúið sig fyrir brottför þar sem laugardagurinn var allur tekinn frá í dúllerí!

Við Sandra skelltum okkur saman í sund um hádegisbilið í gluggaveðrinu.. sleiktum sólina smá og fórum svo í kringluna að redda gjöfum fyrir strákana- þeir voru með útskriftar/afmælis party á glaumbar um kvöldið. Þóra og Sandra redduðu þessum gjöfum mjög snögglega, sem var æði! Keyptum bindi og ermahnappa f. Benedikt, og mjög “smekklegan” bol á Halla :)

Afmælið var mjög skemmtilegt- allt fljótandi í hollum og góðum veigum, sem ég drakk reyndar ein af okkur stelpunum. Þær fóru svo snemma heim, enda vinna daginn eftir hjá þeim öllum.. þannig að stefnan var þá bara tekin með strákunum, Eydísi og Dalílu. Fórum á Sálar- ball á Nasa. Það var svakalega gaman!!! Dansaði fínu hælana mína niður í járn 8|

Síðan fórum við á Hressó þar sem partýið hélt áfram til 6! Þá var fengið sér sveittan hlölla, og arkað heim. Þá laggði ég mig í 2 tíma, og dröslaðist á fætur til að raða í bílinn- sem var mikil vinna- því ég þarf alltaf að flytja á milli staða...OG svo var ég að fara að taka “Litla” strákinn hja Braga frænda vestur. Þannig að það þurfti að hafa smá pláss fyrir hann líka og dótið hans.

Ég fór í afmæli hjá Sunnu og Söru litlu frænkum kl 11 á sunnud. áður en ég fór vestur. Það var voða gaman. Svo tók ég Garpinn þegar ég fór. Hann var pínu stessaður fyrst, en það lagaðist allt, enda þekkir hann mig svo vel J Á leiðinni heim snjóðaði svo og var það var ógeðslega hrátt! En ég var á svo mega góðum og fallegum sumardekkjum, þannig að ég spændi upp allt, og ekkert vesen ;)

Díses hvað ég sakna samt stelpnanna strax! Erla, Sandra, Móa og fleiri eru allar í bænum! Ég hringdi í Söndru þegar eg var komin upp úr hvalfjarðargöngunum á leiðinni heim... Var e-ð voða emotional, og eftir að ég skellti á runnu nokkur krókódíla-tár niður... Fannst ég vera að fara forever! Samt erum við að fara að hittast eftir 2 vikur tæpar.. svona er maður mikill vælukjói stundum, og þá sérstaklega eftir djamm.

Garpur er svo magnaður! Hann hlýðir í einu og öllu, og er svo ljúfur! Hann var nu reyndar svaka varðhundur fyrst, en nuna er hann búinn að venjast öllum hljóðum og látum, þannig að það er allt í góðu.. finnst held ég æðislegt í sveitinni! Enda er mín líka búin að sinna honum mjög mikið- hjóluðum í pollinn í gærmorgun, skokkum á hverjum degi og fleira, þannig að hann er ekkert með of mikla innbyrða orku eftir hvern dag. EN hann fer í alla polla og vatn sem hann sér! Þannig að ég er endalaust að skola hann og þurrka svo hann geti komið inn-

Ég ætla svo að reyna að kíkja í Reykjafjörðinn um helgina- er búin að sakna þess að fara ekki þangað síðan í mars- og þá fór ég ekki einu sinni í pottinn :/ þannig að nu verð ég dugleg að fara í fullkomna kyrrð J

Svo talaði ég við Fríðu, og Vaskur kemur vestur eftir sjómannadags-helgina. Þá verður nu kátt á hjalla ef Garpur og Vaskur hittast! Brjálað stuð- miðað við hvað þeir gátu hamast alltaf!

Myndir vikunnar:

Yndin mín!

Afmælis og útskriftar- drengirnir ;) svaka sætir

... Og ALLT í gangi...

úff- Steini smekklegur þarna!

Tjútti tjútt- komin á sálar-ballið

wrjáw!!! Dalíla MEGA gella á ballinu

Benni í rétta gírnum ;)

OG við Dalíla hressar :)

... En sumir voru ekki jafn hressir, og dóu bókstaflega á dansgólfinu! það kom sjukrabíll og alles.. mér sem fannst þetta svo fyndið til að byrja með og tók nokkrar myndir.. heheh, nasty nasty:^)

... ENN dauður..- pæliði í bömmernum! úff, öfunda hann ekki!

Mín hressust hehe

.. OG við Halli á Hressó-

--- ég er á vestur-leiðinni, á há heiðinni.. á 110, ég má ekki verða of sein, o-ó.... snjór í MAÍ... ég sem á braðum afmæli!

Litlu afmælis-frænkur mínar :)

Garpur- Ahh,svo gott að vera til :D

Jæja, kominn tími á að fara að lúlla sér- er ekki sátt með þennan slappleika! Held þetta sé of mikið súrefni eða e-ð, hehehe...

Góða nótt elskurnar!

Olga Rannveig Bragadóttir

Ég er fjáls (dudduruludu), ég er frjáls(dudduruludu), Frjáls eins og fuglinn, ég er frjáls og ég skemmti mér...

Mon, 14 May 2007 13:37:10 GMT

JIBBÍÍÍÍÍ!!!!!!!!!

Ég er búin í prófunum :D Kláraði á fimmtudaginn.

Ég er búin að fá úr 2 stærstu prófunum, almennunni(9 einingar) og stjórnskipunarréttinum (7 einingar) og mín massaði þetta alveg í tætlur, hehe.. eða svona næstum :D náði amk og gott betur en það, og það er það sem skiptir máli. Þannig að nú er ég gjaldgeng inn á annað árið- þá loksins verður þetta meira að veruleika!

Mér finnst svo skondið að vera búin með 1 ár nuna strax- og það er sko ýmislegt búið að ganga á, á þessu 1 ári mínu, hehe.. ætli það sé ekki hægt að lýsa fyrir jól tímabilinu með einu orði- DJAMM- með tilheyrandi rifbeinsbroti, þynnku, veikindum og slappleika... enda varð árangurinn eftir því :s

En það var nú bara til að sparka í rassinn á manni og maður tók sig e-ð á... en þetta orsakaði nú einnig mikla sálræna kreppu þar sem ég vissi ekkert í hvorn fótinn ég átti að stíga. Nú veit ég það alveg, og það er hægri-vinstri-hægri-vinstri og BEIN leið áfram!

Síðan á fimmtudag er ég búin að vera með svaka kósý. Það er búið að vera ÆÐISLEGT í alla staði!

Í gær var ég svo með smá júróvisjón/kosningaparty eftir grillið heima hjá Selmu frænku, og bauð nokkrum vinum mínum sem ég er ekki búin að sjá í ár og öld að mínu mati- svo komu nokkrir fleiri líka- það var alveg frábært að hitta alla aftur og ég skemmti mér rosalega vel! Næstum því of vel, heheh... allavegana endaði ég á að fara að sofa kl. 12 í morgun, til hálf 2, þannig að ég er að leka niður hérna!

Í dag var ég svo súper dugleg, að ég þreif allt hérna heima, en svo sótthreinsaði ég líka eldhúsið og þreif ísskápinn.. það var nu kominn tími á þetta (eins og bílinn, je minn eini- hann er ógeð nuna! Ætla samt að þrjóskast að hafa hann skítugan þangað til ég er komin alla leið vestur )..

Ohh, talandi um silfraða fákinn- ég var að keyra út vörur á fimmtudaginn eftir sifja og erfðaréttarprófið og er að bruna á 80-90 á Sæbrautinni eins og allir gerðu, og ég er beint fyrir aftan annan bíl.. allt í einu sé ég e-ð drasl á götunni en gat ekki einu sinni beygt frá því það var of seint. Dúndrast því þessi kubbur eða what ever undir fremra hjólið og svo það síðara... ég fann strax að nú væri illt í efni, þar sem bíllinn breyttist um leið!

Mér tókst að beygja upp á bílastæðið við bónus í skútuvogi, því dekkið var sprungið. Þar hamaðist ég við að losa dekkið (var í pilsi og voða fín út af próflokum).. Það löbbuðu svona 100 manns framhjá, og ekki einn spurði hvort ég þyrfti aðstoð eða ekki! Dæmigerðir Íslendingar.. þegar ég var svo búin að losa allt og á góðri leið, þá kom einn maður og bauð fram hjálp(svona þegar ég var orðin örugg um að þurfa hana ekki, heheh.) Ég hef alveg nokkrum sinnum skipt um dekk áður, það er ekki þannig að maður sé einhver barbí úr borginni, það eina sem ég á erfitt með er að losa dekkið því ég veit aldrei í hvaða átt ég eigi að byrja að snúa, hehehe... “ljóski-ljósk” J

Þegar ég brunaði síðan á dekkjaverkstæði til að láta laga fjandans dekkið, þá var mér sagt það að það væri MEIRA EN ÓNÝTT- það væri HAND-ÓNÝTT!!!! Síðan sýndi hann mér dekkið,(sem ég var ekki einu sinni búin að kíkja á, heh,) og það var risastórt gat á því!

Ég snéri frá verkstæðinu með tár í augunum af svekkelsi!!!!!!!!! Eg þið hefðuð séð mig, hefði ekki verið erfitt að lesa af vörunum á mér þegar ég keyrði í burtu, “helv,andsk, djöf, DRASL!!!!!! “

Því þar sem dekkið er ónýtt neyðist ég til að kaupa nýtt, ef ekki bara 2 ný til að hafa eins undir kagganum! Búhuhuhuhu... Svekkelsi!

Ég var eins og svakalegur vélsmiðju trukkur eftir að skipta um dekkið, með svartar hendur, öll búin að rispa mig, þannig að úr mér blæddi, og með svarta rönd yfir ennið, þar sem ég hafði augljóslega ætlað að þurrka hárið frá andlitinu, hehe.. Mjög smart skvísa J

En þetta hafðist og ég gat klárað að keyra út vörur áður en ég fór í matarboð og horfði á júróvisjón... það var voða næs og bjargaði deginum...

Jæja, ég skrifaði þessa færslu í gær(sunnudag) en var svo úrvinda að ég hef greinilega sofnað út frá þessu... hehe mér finnst svo skrýtið að geta horft á tv án þess að vera ekki með samviskubit yfir að vera ekki að læra- þessvegna hékk ég frammi í gær eins lengi og ég gat, bara til að reyna að njóta þess, hahah.. það sem maður getur verið vitlaus! :D

Ég fer ekki vestur fyrr en eftir 6 daga(sunnudaginn), þannig að þeir sem hafa áhuga á að gera e-ð áður en ég fer, endilega tékkið á mér! Ég ákvað að vera lengur í bænum til að gíra mig niður og hitta liðið sem ég á ekki eftir að hitta mikið í sumar...

Ætla að fara að koma mér út í góða veðrið sem ég hef ekki “mátt” njóta meðan prófin voru í gangi- Sendi hér með baráttukveðjur til Móu og stelpnanna sem eru að hamast við að klára að læra fyrir heimspekina! Þetta er alveg að hafast elskurnar mínar, og þið tæklið þetta!!!

Myndir helgarinnar :

"Skál skál"-Sandra skutla

Magnús hress

Gunnar tók upp gítarinn- þá byrjaði stuðið fyrir alvöru

...svo var kíkt á texta í tölvuna

Systurnar sætar saman- Óla og Erla:)

Heheh.. allt í gangi hérna :D

Og Berglind hress

Óla skutla- svaka grönn og fit :)

Eldhúsparty- Sæþór og Daníel komu líka

Daníel og Lúffi

Berglind-

Sætar skvízur

..ÆI- en samt svo miklir spassar :D

... JESÚS PÉTUR!!!!! rosalegar, hahahha- hver getur staðist svona skutlur, heheh

Við Erla sætar saman- sér einhver ölvun á okkur? :lol:

uppáhalds sætu frændur mínir :) Gunnar og Magnús að viðra sig

- það er alltaf gott að taka með sér nesti áður en maður leggur af stað niðrí bæ- maður gæti orðið þyrstur! Sandra að vanda sig mikið við að hitta í KRUKKUNA!!! átti ekkert take away glas hahahha

Svona var nu laugardagurinn í mínu koti- takk fyrir samveruna pípólið mitt!

adios, Olga rassbólga Bragadóttir

...But I can´t help falling in love with you...

Tue, 08 May 2007 15:45:35 GMT

........

Ég er að springa, get ekki beðið eftir að klára prófin, ekki á morgun heldur hinn..=fimmtudaginn!!!!!

Er löngu búin á límingunum!

Awww...sóó kjút!

Olga Rannveig

Brunaliðið- útkall

Sun, 06 May 2007 01:37:58 GMT

Jæja, þá er ég búin í stjórnskipunarréttinum og gekk svona þrusu vel! Hef góða tilfinningu fyrir því og vona að maður hafi bara massað þetta!

Í hádeginu í gær bauð mamma mér og ömmu út að borða á salatbarnum skeifunni.. það var alveg ótrúlega gott! Ég var alveg södd fram yfir kvöldmat, heheh :)

Síðan þrömmuðum við í Kringlunni og Smáralind, en aldrei þessu vant keyptum við okkur ekkert! Það gerist ekki á hverjum degi þegar við mæðgurnar tökum rúnt í búðir!

Ég var líka alveg einstaklega steikt e-ð eftir þetta próf, maður er ekki í sambandi bara...

Um kvöldið bauð Gilli mér svo upp á rjómaís og ávexti, og gott spjall, þannig að ég átti alveg mjög gott kvöld! ætlaði síðan aldrei að geta vaknað í morgun- Fannst ég ekki hafa sofið í ár og öld, heheh.. svona getur maður verið mikill aumingi :)

Þegar ég loksins drullaðist á fætur (og fór nu bara í náttbuxurnar- hafði ekki orku í að taka stærra skref en það) að þá tók lesturinn aftur við, en núna er Sifja og erfða rétturinn næstur..

Mér finnst það sem betur fer mjög skemmtilegt þannig að það er ekki nein hræðileg sjálfspíning að lesa fyrir það (ekki nema þegar ég ímynda mér Brynhildi Flóvenz upp á sviði að tala súper slow eins og hun sé að mygla- þá fyrst fer mér að líða illa)

Svo gekk lesturinn e-ð rólega þarna í dag, og allt í einu heyri ég í sírenum nálægt... Ég varð svo forvitin að ég kikti út en sá ekkert... ákvað þá að kíkja í þvottahúsið hvort ég sæi e-ð þar.. Þegar ég opna fram á sameignina( enn í náttfötunum, og sérstaklega úldin í framan þarna) er þá ekki bara SLÖKKVILIÐIÐ mætt inn til mín á sameignina!!!! Ég dreif mig í að loka aftur og fara amk í almennilegan bol utan yfir, og kíkti svo aftur fram.. þá sprakk e-ð í heita vatninu í litlu íbúðinni frammi á gangi og það var gufa og reykur þar, og allt á FLOTI!!!! Það var enginn smá hasar að ryksuga vatnið upp- loka fyrir vatnið í húsinu- fá tryggingarkalla- fá pípara og alles!

Maður verður svo spenntur í svona, þannig að ég stökk inn til mín og náði í myndavél og náði nokkrum myndum af tjóninu

Verið að ryksuga smá af gólfinu

"Girnilegt" LOFTIÐ!!!! það var allt á floti allstaðar!

... Enda þurfti líka að ryksuga það

Núna eru 2 HUMANGUS blásarar þarna inni að reyna að þurrka þetta e-ð.. spurning hvernig þetta verður svo- vonum það besta!

Heheheh! slökkviliðsgaurarninr buðust til að árita slökkviliðs-dagatalið mitt þegar þeir voru að fara- Verst að enginn þeirra komst í blaðið- þeir voru nefnilega í 40+ hópnum, hihihihi :)

En jæja, svona úr því að það var e-ð "merkilegt" sem átti sér stað í dag, þá fannst mér tilvalið að skella því inn- Þetta er ekki jafn slæmt og vibba gaurinn sem ég setti inn í seinasta bloggi :D je minn eini, hvað maður er e-ð sick!

Annars er voða lítið að frétta sem er til að skella á bloggið- er bara hress og kát núna....

Jæja, farin að lúlla mér ;)

Olga

PRÓF á MORGUN!!!

Thu, 03 May 2007 13:38:23 GMT

Jæja, ákvað aðeins að stelast til að kíkja hingað inn- ætti ekki að vera að því, en heilbrigð skynsemi er ekki með í för frekar en vanalega-

pípól- takið miða ef þið þurfið e-ð að ná í mig- BARA vika eftir af brjálæðinu og þá er minns komin í sumar-"frí" :D

Eins og þið sjáið er einn kominn í röðina, hehe.. hvernig tæklar maður svona fola, hihihih :D

adios-

Olla feita bolla

money money money....

Thu, 26 Apr 2007 16:58:34 GMT

......................................
All the things I could do
If I had a little money.......

Er þetta ekki bara gott plan :haha:

wrjááwww...."klóri klór" :)

Wed, 25 Apr 2007 18:47:49 GMT

......

íþróttafréttir-

Ég hef aldrei verið mikið fyrir fótbolta... fótbolti var ein af fáum íþróttagreinum sem ég var bara virkilega léleg í!

Mér fannst David Beckham ekkert hot, eiginlega bara hallærislegur með kellinga rödd...

... Sjáið bara- bíður eftir að láta taka sig í..... ja, nóg um það :)

Ég hef aldrei haldið út að horfa á heilan fótboltaleik, og rökræður um fótbolta í strákabekknum mínum gamla í GT hefðu getað drepið mig úr leiðindum... og þannig mætti lengi telja...

EN nu er nýtt á nálinni!

Ég horfi á allar íþróttafréttir sem sýndar eru, í von um að sjá minn heitt elskaða hottí pottí Cristiano Ronaldo!!!! Ef maðurinn hefur ekki brætt mig að þá veit ég ekki hvað!

grrrrrrrrr.........

Slef slef slef! þetta er ENGIN kelling!

Jæja, það þurfti amk mikið til að ég fengi einhvern áhuga á þessu sporti :þ

Olga- drullastu til að fara að læra!!!!!

adios

hihihi.... perrilíus

Tue, 24 Apr 2007 15:59:22 GMT

Mér leiðist við að lesa þetta rusl fyrir stjórnskipunarréttinn!

Ákvað að reyna að gleðja þá sem kíkja hérna inn :)

Ætli karlpeningurinn kvarti mikið yfir þessu nú til dags???? það er spurning :) hihihi

kveðja

Olga laumu-perri :D

"við erum ekki 2- við erum fjölskylda" :)

Sun, 22 Apr 2007 22:53:49 GMT

Jæja, Löng helgi afstaðin!

Kláraði prófið á föstudaginn, vona að það komi sæmilega út... krossa fingur og bið til Guðs, hehe...

Síðan fór ég í innfutningsparty hjá Magnúsi og Beggu um kvöldið... Alveg æðisleg íbúðin þeirra!

Fólkinu fannst ekki ganga að ég væri edrú eftir svona próf, þannig að það var sturtað í mig, og ég réð "ekkert" við þetta, hehehe.... Baldvin og Gunnar sáu um það og stóðu sig vel.

Síðan fórum við í kynningarferð um íbúðirnar við hliðina á og fyrir neðan.. svaka fínar íbúðir þarna fyrir nemendur! Anton byr einmitt fyrir neðan þau, og vinur hans við hliðina á.. Ekki slæmur félagsskapur þar :)

Síðan er mín búin að vera plöntuð í Fífunni um helgina, að reyna að hjálpa múttunni e-ð... Það var sýning þar, sumarið 2007... ágætis sýning, bara frekar stórt og maður týndist nánast þarna.

heh, eg var e-ð að horfa á Ingó úr ÆDOLINU spila og syngja með bróður sínum í dag... ég var næstum því farin að slefa, heheh.. hann sá það held ég, þá roðnaði ég bara, og strunsaði aftur í básinn minn.. best geymd þar, hahah!

Svo var farið svakalega fínt út að borða í gær, á Rauðará! Ég held ég hafi sjaldan eða aldrei farið á jafn góðan stað, gott starfsfólk, fullkominn matur og allt tipp topp í alla staði! Sýningarfólkið að vestan fór saman.

Enduðum flest á að kíkja á Ölver og einhverjir tóku lagið við góðar undirtektir... Ein "gellan" þarna var e-ð aðeins of ölvuð (við þekktum hana ekki sem betur fer) en hun var e-ð að syngja á undan okkur með vinkonu sinni.. þetta byrjaði e-ð brösulega hjá þeim, og sagði hún þá þessa góðu setningu..."við erum ekki 2, við erum fjölskylda"... þá var hun að heimta að allir myndu syngja með! æi, ok... þetta var svona "had to be there moment" :)

Hun endaði þetta ekki betur en svo, en að hun stakk míkrafóninum ofan í brækurnar... Þar var "smá" lufsa, og hun e-ð, "vúps, ég er smá loðin"..... JAMMÍÍ fyrir næstu manneskju að syngja með þennan míkrafón!!!!! 8|

Ég á voða erfitt nuna... er mikið að hugsa um hlussu prinsinn minn :( sakna hans út af lífinu þessa dagana.... hér eru myndir af góðum stundum...

flottur prins í kagganum mínum...by the way- silfraði fákurinn er kominn upp í 100.000 km!!!!! bara orðinn stór strákur, heheh :D useless information!

.....Svo þægur að bíða eftir "mömmu" sinni

Við sundlaugina við bústaðinn í Reykjafirði... sæll og glaður... pottþétt búinn að velta sér upp úr kindaskít ef ég þekki hann rétt! :D

...ekki er nú mikið varðhunda-eðli í þessum mola...

FALLEGASTUR!!!!!!!!!!!!!

Gott að fá að koma með í aukavinnuna hjá mömmu... hægt að kúra og hlusta á hvað er í gangi...

Jæja,, ætla að halda áfram að grenja aðeins áður en ég fer að sofa... hehe.. nei, svona næstum! Sakna hans bara agalega mikið... hugsa að ég myndi ekki sakna neins kærasta svona ef illa færi, heheh... það er amk spurning ;)

Kv.. Olga væluskjóða Bragadóttir

krúttipútti!

Tue, 17 Apr 2007 01:13:48 GMT

Awwww.... Ég VARÐ að stela einni mynd frá henni Eydísi... svo krúttlegt!

Annars veit ég ekki af hverju ég er vakandi akkúrat núna, ætti að vera stein sofnuð miðað við hvað ég ætla mér að lesa mikið á morgun 8|

Kannski er bara ennþá allt á fullu í líkamanum eftir allt kaffið sem ég skellti í mig í dag og brennslu/orkutöflurnar...

Svo má ekki gleyma að ég skaust til Braga frænda áðan og fékk Garp lánaðan. Hann er svo þægur og góður labrador hundur að það er ekki eðlilegt... heh, þegar ég bauð honum upp í bílinn vissi hann ekki hvaðan á sig stóð veðrið að ég væri að benda honum á að stökkva upp í sætið afturí!!! heheh.. hann er nefnilega vanur skottinu ;) Algjört krútt að klöngrast þarna uppí!.... Annars var þetta æðislegt skokk sem við tókum, meðfram öllum gangstígnum á Gróttu og í kringum golfvöllinn og aftur til baka. Var alveg sátt með okkur þarna... svo var prinsinn dekraður smá með harðfiski og beini.... Tja, einhvern verður maður að dekra, ekki er maður að sóa kröftunum í karlpeninginn eða annað vesen þessa dagana... 8)

Hérna er kappinn! Hann er svo KOLSVARTUR að það er erfitt að mynda hann :)

Mjög stór og fallegur, enda alveg magnað eintak!

Maður er nánast að mygla við að lesa endalaust alla daga, hægt og rólega, heheheh- nei, ekki alveg ;)

En ég er nokkuð hress ennþá fyrir prófið á föstudaginn.... held þetta leggist bara þokkalega í mig.. enda líka EINS GOTT!

Jæja, ákvað að koma með smá færslu úr því að ég er enn á lífi.... ekkert merkilegt sem er að ske þessa dagana, þannig að ég er bara að blogga um ekki neitt, heh.. eins og það er nu "gaman" að lesa þannig!

Farin í draumaheiminn í bili...adios amigos

ykkar EINLÆGA Olla Bolla Bragdóttir